Nýtt hópblogg frá Köben:

www.palads.bloggar.is

Endilega tékkið á þessu ef að ykkur langar að fylgjast með því sem gerist hjá okkur hérna í Köben!

Ætli maður taki sér ekki smá pásu hérna á þessari síðu, hún er nú alveg búin að þjóna sínum tilgangi blessunin. Reyni að vera dugleg á nýja blogginu, það er samt eitthvað í undirmeðvitundinni sem að segir mér að Sædalinn komi sterkust inn á "Höllinni", hún er bara þessi týpíska blogg týpa þið vitið, tala nú ekki um hana Afríku Önnu, pistlarnir eiga eflaust eftir að renna inn eins og heitar lummur frá henni! Bíðið bara.

Kveðjur á klakann

Olga

 

Jæja lömbin mín...sumarið er búið, Dönsku eru búnir og haustið er gengið allhressilega í garð með roki, rigningu, kvefdrullu og skítakulda!!brrrr

Dönsku voru alveg bra, djammlega séð allavega, veit minna um það sem gerðist á daginn þar sem að ég var að vinna. Pallapartýin hjá píparanum klikka seint, tala nú ekki um salötin hennar Kristínar, það væsti sko ekki um okkur á pallinum fína.Gerði þetta nú ekki leiðinlegra að fá hana Þóru mína frá Svalbó City, skvísan gerði sér lítið fyrir og kom vestur tvær helgar í röð! Já, Hólmurinn heillar!  Sigga spælegg (frá rokvík) lét sig auðvitað ekki vanta, gaman að hitta þær stuðboltana saman aftur. Mig grunar nú að þetta verði ekki síðasta ferðin hennar Þóru í Hólminn

 

 

Alle sammen dancing...Sara sá draug þarna í horninu!

En yfir í aðalfréttirnar! Það er allt að skýrast í Dk málunum. Við erum búnar að panta miða til Köben 17.september og erum komnar með íbúð líka  Sara og Anna eru búnar að standa sig eins og hetjur úti og fundu loksins þessa fínu íbúð (að ég held), raðhús á tveimur hæðum með þremur herbergjum á 45.000 á mán. Það er í lagi!! Þetta er íbúð sem gömul kona átti sem var að fara yfir móðuna miklu greyið og við fáum bara allt innbúið hennar, teppi á golfunum og svona alveg ekta bara, ætli það verði ekki svona Dvaló fílingur í þessu  Íbúðin er í Sölleröd í N.kbh, rólegt úthverfi, risastórt stöðuvatn þarna hjá og fullt af trjám. Svo nú meiga bara allir fara að plana heimsókn til Kóngsins Köben

Ég hætti á Dvaló núna á föstudaginn og hef því heila viku til að pakka og sonna, þarf að reyna að pússla saman vinnuskýrslu  og eitthvað vesen svo að maður fái einhverstaðar vinnu þarna úti.

Þetta er orðið gott held ég

Vi ses

olGa

 

 

..........og Skjalda er borin, digga digga damm hún átti kálf, digga digga damm og hann var skorinn, digga digga damm ég át hann SJÁLF! Já þetta lærir maður af gamla fólkinu. Alltaf stuð á Dvaló! Annars er löngu kominn tími á að blogga á þessa steindauðu síðu. Nú er ein rosalegasta Verslunarmannahelgi í manna minnum að ljúka, við bara réðum okkur ekki af kæti hérna heima (Elín, Sara, Lillý!?). Annars er ég nú bara hálffegin að hafa verið heima í rólegheitum, vera ekki e-h staðar þunn og ógeðsleg núna á leiðinni heim.  

 

 

Þetta er helst af sumrinu:

•  Sankallað dansættarmót Rauðseyinga
• Vell heppnuð útskriftarveisla
• Færeyskir dagar / Á góðri stund í Grundarfirði. Alltaf gaman á nesinu.
• Margar “golden moments” með gamlingjunum mínum á Dvaló, ég alveg elska það hvað sumir eru snarklikk í hausnum. Er byrjað að þykja allt of vænt um þessi krútt.
• Flugferð með þremur flugskvísum til Rvk á djammið og heim aftur daginn eftir, eða réttara sagt var mér kastað út á ferð á grasvelli á Kaldármelum og þar stóð ég ein eftir í auðninni þangað til að Anna frænka kom og bjargaði mér
• Svona um það bil 2 heilir sólardagar í allt sumar, svo maður er alveg heltannaður! NOT
• Margar góðar stundir með stelpunum, fórum til Tótu túttu um daginn og fengum lánaðar gamlar árshátíðar spólur, og það var hlegið!Þangað til næst(hvenar sem það verður), bið ég ykkur vel að lifa!
• Tónleikar með Sigurrós í Ólafsvík, þvílíkir listamenn þar á ferð.
• Þóra gell ætlar að skella sér vestur að heimsækja mig um næstu helgi, þá verður brallað eitthvað skemmtilegt.
• Svo eru það bara Danskir Dagar um þarnæstu og svo Köben um miðjan sept. Þetta sumar er búið að fljúga.

 Skellti inn nokkrum myndum frá Sixties ballinu um síðustu helgi, þar sem allir voru í rífandi stuði,  en ekki hvað.http://www.picturetrail.com/olgaarna2

olGa

Dimmision var snilld, þótt að veðrið hafi ekki verið neitt æðislegt, sluppum allavega við snjókomu. Vorum með crazy driver á vagninum okkar (hann Engilbert Öddu bróðir) svo að þetta var hin fínasta rússíbanaferð. Kvöldið var ekki síðra

Við Drífa skruppum í Skagafjörð í gærkvöldi í 80 ára afmæli hjá afa gamla. Það var nú heldur betur för á mannskapnum þar, enda ekki von á öðru þegar að þessi fjölskylda er saman komin. Mikill læti yfir kosningarsjónvarpinu, ætla ekkert að tjá mig neitt um þau mál hér.

Nú eru það bara prófin og þá fer nú heldur betur að styttast í endann á þessu. Fer í mitt fyrsta á þriðjudaginn

Hérna eru 4.H heitmeyjar/hryggbrotnar.

Þóra babe var svo dugleg að sitja sínar myndir inn, þær eru hérna   http://www.picturetrail.com/thorastefans .

Farin að læra...búhhhh

Ótrúlegt en satt þá eru MA – árin að klárast! Síðustu dagar hafa verið ansi viðburðarríkir, nóg um að hugsa. Ætli maður endi ekki bara með magasár fyrir útskrift, svona eins og vinkona okkar Silvía Night í Euro!?

• Í dag var sparifatadagur í skólanum, við 4.bekkingar buðum kennurunum í kaffi. Þetta var líka síðasti venjulegi skóladagurinn, maður er ekki alveg að átta sig á því að þetta er bara búið og maður á ekki eftir að sjá yndislega bekkinn sinn á hverjum degi framar. 
• Á morgun er svo dimmeteringin og það kyngir niður snjó!! Hvað er málið, ég sem hélt að það væri komið sumar. Við í H verðum brúðarmeyjar, búnar að láta sérsauma á okkur kjóla og svo lítur allt út fyrir að við þurfum að vera í snjógöllum á vagninum okkar. Þetta verður skrautlegt en bara eftirminnilegra fyrir vikið.
• Svo verður sko tjúttað annað kvöld eftir herlegheitin.Bekkurinn er búinn að fá efri hæðina á Amour til að hittast og horfa á Ungfrú Ísland, styðja Pálu og Lísbeti. Svo verður bara taumlaus gleði fram á nótt, tilboð á barnum og allegræ.

 

• Maður  á víst eftir að fara í nokkur próf í næstu viku, svo er óvissuferðin 9.júní, útskrift hjá Ásdísi10., kíkja aðeins heim í Stykkis og svo bara útskriftin mín 17.júní. Þá er það bara bæbæ Akureyri og hæhæ STH!

Njótiði nú sumarblíðunnar meðan að hún er til staðar Ekki oft sem að við fáum svona gott verður á Íslandi

 

 

 

 

 

 

Kanski að maður skreppi út og byggi sér eitt stykki snjóhús.Þetta er nú meira ruglið.

 

 

...olGa...

"með sól í hjarta"

Já helgina var sko í lagi! Veðrið var geggjað alla helgina, alger sumarsteik. Það var svaka stuð í bekkjarpartýinu og ennþá meira stuð á Palla, þessi maður er bara snillingur. Við dönsuðum stanslaust eða bara þangað til við vissum ekki af okkur lengur. Langt síðan að maður hefur skemmt sér svona í Sjallanum gamla. Vantaði nú reyndar aðeins of margar úr bekknum í partýið en við tökum bara allar á því saman á dimmeteringunni í staðinn.

Myndirnar eru komnar inn hérna :   http://www.picturetrail.com/gallery/view?p=6&uid=4084436&. Þær eru ekki alveg í réttri röð. Við vorum í svo miklu stuði þegar að við komum heim að við fengum okkur göngutúr upp í 10 - 11, góðar á því. Ætluðum heldur betur að fá tilboð á kjúlla, nýbúnar að éta brauðstengur á Tikk takk. Hvað er málið!? Einhverjar rugl myndir af því. Njótið.

Næsta helgi verður ábyggilega ekki síðri, því þá ætla Hólmaraskvísurnar að standa við stóru orðin og koma í heimsókn norður yfir heiðar  Það verður gaman, sýna þeim Akey,fara í sund, í Brynju, Kjarna, halda grillveislu í garðinum og sonna. Sjáum til með djamm...þær ráða því alfarið.

Og þið sem eruð búin með skólann núna....TIL HAMINGJU. Við þraukum.

........Tschuss........

Já kóngurinn sjálfur þreytist ekki á að skemmta hérna norðan heiða og ætlar kappinn að mæta eldhress í Sjallann um helgina í tilefni sumarsins og það þýðir bara eitt --> djamm og aftur djamm  Maður er ekki maður með mönnum nema að mæta á Palla.

Bjarney ætlar að vera svo sæt í sér að halda bekkjarpartý fyrir okkur 4.H stúlkur í fínu íbúðinni sinni og svo verður skundað í Sjallann og dansað af sér lappir, rass og já bara "shake that ass" (Þóra!!), aldrei að vita nema að það verði grillað líka ef að veður leyfir.

Þið beilerar í Hólminum það er ennþá möguleiki, þið fáið ekki betra djamm en Pál Óskar. Koma svo

Annars er bara lítið að frétta nema að við erum lausar við lögguskassið HÚRRA! Nú eru komnir nýjir eigendur sem eru ekkert nema góðmennskan. Reyndar reif hún öll málverkin af veggjunum svo að nú er frekar tómlegt hjá okkur en það er nú  svosem í lagi meðan að við eigum það ekki á hættu að fá hana inn í brjálæðiskasti.

Svo styttist óðum í uppeldisfræðiráðstefnu, eurovision, dimmeteringu, 80 ára afmæli hjá afa gamla,  próf, óvissuferð,útskrift og síðast en ekki síst sumarfrí!!. Nóg að gera á næstunni.

Bless kindurnar mínar

olGa

 

Ótrúlega góðir páskar að baki í STH, það er alltaf jafn gott að vera heima í Hólmi á "Hótel mömmu", auðvitað vildi maður vera þar lengur en það er stutt eftir hérna, bara lokaspretturinn og svo er þetta bara finido!

Það sem ég afrekaði um  páskana:

• Komst á þrítugsaldurinn þann 10.apríl Fæ bara hroll þegar að ég heyri þetta, en það er samt búið að segja mér að góðu árin séu enn eftir, hugga mig við það. Afmælisdagurinn var einn sá besti lengi, mamma var í fríi og stjanaði við mig allan daginn (kakó í rúmið, bakað í kaffinu og læri um kvöldið) svo fékk ég fullt af fínum pökkum. Takk fyrir mig allir. Fékk m.a. nýjan síma (já nú er loksins hægt að tala við mig í meira en nokkrar sek.)og stafsetningarorðabók, kemur sér vel..he he.
• Skellti mér til Rvk í verslunarleiðangur með Söru, Elínu, Drífu og Ellen, þræddum allar búðirnar í RVK, enduðum þetta svo á sveittri pizzuveislu á Pizza Hut og brunuðum svo heim aftur. Sumir versluðu aðeins meira en aðrir!
• Svo var rúntað, synt, hlaupið, sleikt sólina í sundlauginni, borðað allt of mikið, chillað, djammað og sofið. Bara eins og þetta á að vera í fríi.
• Það er komið á hreynt að ég er að fara að flytja til kóngsins Köben með Söru og Elínu í haust, can´t wait, þetta verður svo gaman. Erum búnar að finna fullt af íbúðum á netinu, nú er bara að fara að sækja um. Helst langar okkur í e-h villur á 180.000 á mán en NEI! Það er allavega víst að íbúðin okkar "verður ekki með brúnu klósetti" . Takk fyrir.  
• Síðast en ekki síst héldum við Hjödda afmælispartý saman heima hjá mér þar sem 80´s þemað var í hávegum haft, og heppnaðist það ótrúlega vel. Ánægð með hvað allir mættu í flottum búningum. Svo var haldið niður á Fiska á lokahóf Snæfells. Snilldar kvöld í alla staði. Ég hafði ekki rænu á að taka myndavélina með mér á ballið en er búin að sitja inn myndir úr afmælinu...þær eru  hér : http://www.picturetrail.com/gallery/view?p=999&gid=9850084&uid=4084436

 

 

 

 

 

 

Við Drífa ætlum að skella okkur á Hóla að heimsækja Ásdísi og Adda á sumardaginn fyrsta. Þau voru að trúlofa sig skötuhjúin, við verðum nú að fara og skoða hringana, tékka hvort að þeir séu ekki örugglega ekta

**Gleðilegt sumar**

olGa

Ég geri ekki mikið annað en hnerra og sjúga upp í nefið þessa stundina, ég er ein af þeim mörgu sem er komin með þessa kvef drullu. Helgin var ansi róleg, henni var eitt í slappleika og "ensku lestur" (ég var nefnilega svo heimsk að skrá mig í skoskan ensku áfanga í vali, og það hefur aldrei á ævinni verið jafn mikið að gera í einum áfanga held ég bara, skil ekkert í mér að hafa farið í þetta rugl!). Fór ekki að sjá myndarlegu bekkjarsystur mínar þær Pálu og Lísbeti keppa í Miss Norðurland í gær vegna þess að buddan er ansi létt þessa dagana, en þær stóðu sig auðvitað rosa vel, Lísbet í 3.sæti og Pála í 4., til hamingju stelpur! Svo myssti maður víst að þrusu afmælispartý hjá honum Daða Siggulíusar í RVK. Ég var semsagt í dúndrandi gír um helgina

En ég ætla sko að vera búin að rýfa þennan slappleika af mér fyrir næstu helgi því þá er hún Hjödda littla að koma norður og heimsækja okkur Þá er planið að hafa reunion hjá gamla "Brekkusels genginu", ætlum að rifja upp gamlar stundir með því að horfa á video sem voru tekin upp í 2.bekk, veit ekki hvort að maður ætti að leggja í að horfa á þetta   Og verður væntanlega kíkt á lífið

Svo styttist óðum í páskana og tvítugs afmælið mitt...obobobobobob  Disco disco disco friskó

Enda þetta á honum Sawyer töffara úr LOST þáttunum...eru þið kvk ekki sammála mér að hann er dáldið mikið flottur!?

LOST er eini sjónvarpsþátturinn sem að ég er að fylgjast með af einhverri alvöru núna og ég er bara alveg að gefast upp á þessum þáttum, það gerist ekki neitt  manni er bara haldið í spennu endalaust og maður fær ekki að vita neitt, er bara alveg LOST, orðin nett pirruð á þessu og örugglega ekki sú eina!

 

 

 

 

Jæja byð að heilsa ykkur

 

Olga "hornös" 

 

 

Jæja þá er maður komin heim úr borg óttans, eftir frábæra helgi Það var þétt dagskrá á vegum skólans alla helgina, svo að maður sat aldeilis ekki auðum höndum! Ég gisti hjá Hönnu frænku og hún keyrði mig út á djamminu, bæði fös. ög laug.kvöld (ansi öflug í djamminu hún Hanna, öflugri en ég þið sem eruð alltaf að segja að ég sé skrautleg). En það var mjög gaman, fórum á alla aðal skemmtistaðina, þeir voru nú samt misgóðir. En það var ansi lítið sofið, maður þurfti að rífa sig upp á hverjum morgni til að kynna sér framtíðarmöguleika sína í góðu ástandi

Svo fórum við á starfskynningar á mánudaginn. Byrjuðum á arkitektastofu í Hafnarfirði, það var mjög spennandi. Ræddum lengi við arkitekt sem að lærði út í Köben, sagði að það hafi verið tími lífs síns og að þetta væri ekkert mál, ef að maður væri bara nógu sannfærður. Þetta heillar mig mjög mikið.Á þriðjudaginn skelltum við Þóra okkur á fréttastofu NFS og vorum þarn tvær allan daginn, eiginlega meira í starfsþjálfun heldur en kynningu. Við vorum drifnar á vettvang að taka myndir af umferðaröngþeytinu sem myndaðist á Reykjanesbraut vegna sprungu á vatnsleyðslu undir veginum (þetta var svaka aksjón með kolklikkaðri fréttagellu).Svo var allt fréttaferlið kynnt fyrir okkur það sem eftir var dagsins, hvernig þetta fer allt fram á bak við tjöldin. Fengum að prófa klippa frétt, fylgjast með útsendingum, sitja fréttafund og fl. Það var tekið rosa vel á móti okkur þarna og þetta virkaði mjög fínn vinnustaður, skemmtilegt andrúmsloft. Örugglega gaman að vinna við þetta Vorum umkrindgar celebum allan daginn, og sumir vita vissulega meira af sér en aðrir En annars fínasta fólk upp til hópa.

Svo var brunað heim seinni partinn á þriðjudaginn á Rósinkrans kagganum hennar Nönnu, með í för voru geðsjúklingarnir Sigrún, Elva og Þóra. Þetta var bara rugl þessi ferð. Förum ekkert nánar út í það, þar sem að ég var alveg stjórnlaus.

Takk fyrir frábæra helgi þið sem voruð með og þið sem ég hitti Mér líkar alltaf betur og betur við mig í Rvk, ótrúlegt en satt.

olGa

 

Ég hef ákveðið að taka áskorun frá "ofurbloggaranum" Elínu Rögnu sem fer hamförum í blogginu á '84 Crewinu ! Þessi áskorun neyðir mig til þess að svara nýjasta klukkleiknum. Þessi "klukk" mynna mann bara á æðin hérna í den, hver man ekki eftir NBA myndunnum, Poxinu og duddunum ??

En allavega:

4 störf sem ég hef unnið: úff þau eru svo mörg

1. Sólbaðstofan Birta í gamla daga (fékk alltaf frítt í ljós )
2. Spítalinn í Stykkishólmi ( Skeina, skrúbba og sonna)
3. Bensó er staðurinn! (Fyrir þá sem ekki vita Olís í Stykkishólmi)
4. Samkaup/ Úrval Akureyri (Pfuff) 

4 bíómyndir sem ég get horft á aftur og aftur:

1. Cry Baby ( Frumraun Johny Deep, kann þá mynd aftur á bak og áfram)
2. Með allt á hreynu (Snilldarmynd þar á ferð)
3. Armageddon..Don´t ask me (það er eitthvað við gaurana og húmorinn í þessari mynd)
4. Notebook (Ótrúlega falleg mynd)

4 staðir sem ég hef búið á:

1. Kúldshús (eini satðurinn sem hægt er að kalla heima)
2. Vistin á Akey
3. Brekkusel
4. Það er spurning hvar 4.staðurinn verður!? Kanski bara DK???

4 sjónvarpsþættir sem ég elska að horfa á:

1. LOST
2. Sex and the city
3. E.R.
4. One tree hill

4 staðir sem ég hef verið í fríi á:

1. Danmörk
2. Kanarý
3. Tyrkland
4. Vítt og breytt um Ísland

4 vefsíður sem ég skoða daglega:

1. B2
2. Skólasíðuna
3. Flestar bloggsíðurnar á minn síðu
4. Og slatta af öðrum bloggum líka..he he

4 besti maturinn:

1. Mömmupizza
2. Kjúklingasalatið góða
3. Kjúklingarétturinn hennar Ásdísar (held hann sé Indverskur)
4. Grænmetisbaka

4 staðir sem ég vildi vera núna:

1. Stykkishólmur
2. Útlönd ( í sól og sumaryl)
3. Á balli með Páli Óskari..úlala

 

4 bloggarar sem ég næli....hehehehe:

1. Sigrún Erla Sveinsdóttir
2. Þóra Stefánsdóttir
3. Sandra Sigurðardóttir
4. Elva Hjálmarsdóttir

    5.  SARA SÆDAL..stofnaðu blogg og gerðu þetta!

Heppnar eruð þið stúlkur

Helgin var annars mjög notaleg í faðmi fjölskyldunnar. Skelltum okkur á skíði á laug. og það var sko alveg í lagi Maður fer allt of sjaldan á skíði, svo var það sund og svo Greifinn. Maður var alveg úrvinda þarna um kvöldið meðan að allir dönsuðu af sér bossann í Sjallanum, en það kemur djamm eftir þetta

Mmmm…ég og Sigrún fáum að sofa til 1 á morgun, og þannig verður það alltaf annan hvern mánudag hér eftir

Stopp nú skilurrru

olGa

Við systurnar skelltum okkur áðan með bílinn í smurningu, þetta er b.t.w. í fyrsta sinn sem að við förum með bíl í smurningu.Ok allt í lagi með það, við komum þarna alveg grænar, ég fer inn og spyr hvort að það sé laust og þeir bara "já, já rennið honum bara inn" og Drífa "ofurdriver" setur sig í stellingar og keyrir bílnum líka svona listilega upp á brettið ( keyrir honum beint ofaná kantinn öðrum megin, svo að bílinn stendur á örlítilli járnlínu!!!)...þetta var svona frekar vandræðalegt þar sem ég stóð þarna með þrem körlum, ég reyndi að hlæja bara að þessu en þeim stökk sko ekki bros á vör Horfðu bara hneykslaðir á okkur og bílinn til skiptis, úff hvað mér leið eins og hálfvita þarna strax!

 Svo var okkur vísað inn á skítuga biðstofu þar sem við sátum og lásum Séð og Heyrt frá árinu 2001, voða kósý. Eftir 20 min var þetta búið, við borguðum og ég settist upp í bílinn til að keyra hann út, ég ákveð að beygja stýrið örlítið til að hann myndi detta niður af kantinum (hann stóð sko á kantinum allann tímann), þá kemur mannsi og segir " Heyrðu vinkona, nú skalltu halda stýrinu beinu til að þú lendir ekki ofaní gryfjunni" ! Þarna myssti ég alveg kúlið (sem var nú ekki mikið fyrir þarna inni), ég hélt stýrinu grafkyrru og komst þannig heil út og við flýttum okkur í burtu! Hvað ef maðurinn hefði ekki sagt mér að halda stýrinu beinu!? Ég vil ekki einu sinni hugsa út í það Sýnir manni bara hvað maður á ekki heima inn í svona karlaveldi, maður verður bara eins og alger bjáni  

Annars er bara lítið að frétta, skólinn byrjaður á fullu aftur, þess i önn legst bara vel í mig, er bara í 14 einingum, stundataflan er full af götum, sem er reyndar ekkert æðislegt en maður þarf þá allavega ekki að læra á meðan.Á þessari  lokaönn verða aðalega stór verkefn og svona aðeins öðruvísi skipulag en vanalega. Erum að fara til Rvk allur árgangurinn núna 25.feb á háskólakynningar og í heimsóknir í fyrirtæki. Svo er maður jafnvel að fara til Skotlands með enskuáfanganum, kemur allt í ljós, það væri nú ekki leiðinlegt að fara til Glasgow að versla, þótt að ég eigi enga peninga.

Við kíktum í tvítugsafmæli til Önnu Lú um helgina, það var mjög fínt. Svo koma mamma, pabbi og fleiri ættingjar um helgina

Látiði nú endilega vita af ykkur

olGa

 

Prófin eru búin Þessar tvær vikur eru loksins á enda, langþráð stund, kjallarholan  okkar var byrjuð að mygla liggur við og við með. Er ekki búin að fá útúr neinu..kemur allt í ljós á morgun.

Svo er það bara heim í Hólm á morgun á honum Gúnda, vona að kallinn standi sig í hálkunni. Nú verður nákvæmlega ekki gert neitt af viti í 1 viku (jafnvel 1 og 1/2),nema að slappa af og hanga með skvísunum heima RELAXING TIME... fjúff hvað þetta verður notalegt.  Aldrei að vita nema að við skellum okkur í borgina, í bíó og kíkja á það ljótasta sem er eftir á útsölunum..hehe

 Nú ætla ég bara að njóta þess að vera búin á meðan að Drífa lærir fyrir síðasta prófið sitt Littla greyið.

Hérna er einn gorgeous sen bjargaði okkur alveg frá skólabókunum á laug.kvöldið

Later

olGa

Sælt veri fólkið.Gleðilegt nýja árið og takk fyrir það gamla!

Jólafríið var ótrúlega gott. Það einkenndist af áti, svefni, videoglápi, rúnti, sundferðum, brjáluðum át- og spilakvöldum, notalegum fjölskyldustundum og djammi. Eini gallinn á því var að þetta leið ALLTOF hratt. Maður var rétt búin að jafna sig af “kjötþrýstingnum” þegar að það komu áramót með tilheyrandi drykkju og skemmtilegheitum, og rétt komin niður á jörðina eftir vel heppnuð áramótin þegar að maður er komin hingað norður með hausinn á kaf ofaní skólabækurnar 2 – 4 – 7, þar sem prófin byrja núna á miðv. Svona getur lífið verið fjölbreytt! Ég er búin að komast af því að þetta eru of örar breytingar úr lúxuslífi í skólabókaleiðindi.

 

Árið 2005 var rosa gott, hef ekki tíma í að gera svona glæsilegan annál eins og margir geta státað sig af þessa dagana, en það sem stóð upp úr á síðasta ári voru án efa utanlandsferðirnar tvær, til Kanarý með fjölskyldunni og svo útskriftaferðin til Tyrklands síðasta haust, að ógleymdum öllum góðu djömmunum á árinu, þar stendur sérstaklega upp úr síðasta sumar.

Eftir prófin núna byrjar síðasta önnin mín í MA, og er það viss léttir þótt að þetta séu búin að vera ótrúlega skemmtileg og reynslurík ár, þá er alveg komin tími á eitthvað annað núna.Maður er komin með ansi mikinn skólaleiða. Mig hlakkar til að fara að takast á við eitthvað glænýtt næsta haust, og það er alveg víst að ég ætla ekki í skóla strax. Stefnan er tekin á útlönd.

 

Ætla að skella hérna inn nokkrum myndum úr jólafríinu,myndir segja jú meira en 1000 orð ekki satt!?

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Nú verður bara sökkt sér í þessi próf næstu 2 vikurnar og svo er það heim í Hólm aftur í viku. Svo það kemur ekki inn blogg á næstunni.

 

 

 

 

 

P.s. leygði myndina Island með Drífu í gær og hún kom skemmtilega á óvart, mæli með henni ef að þið eruð ekki á fullu að læra (t.d. þeir sem hafa ekkert betra að gera en að hanga á netinu og gera at í öðrum..hehe, taki það til sín sem eiga!! )

 

 

 

 

Vonandi verður nýja árið svo ennþá betra en það gamla!

 

 

 

Bara að sýna ykkur mínar elskulegu vinkonur.....

Þær Siggu Keppnis  http://www.muglets.com/HBSZ   !!

Og Þóru kisulóru  http://www.muglets.com/HDQE  !!

Snilld